Skynsamlegt fyrir rétt verð

Það er alls ekki galin hugmynd að stóru lífeyrissjóðirnir kaupi Kaupþing, amk innlendu starfsemina, ef rétt verð er í boði.

Það væri þá til þess að minnka tapið sem sjóðirnir þurfa annars að taka á sig ef bankinn bara hverfur.

Það væri trúlega hagstætt fyrir þjóðina í heild ef hægt væri að reka þennan banka áfram þó ekki væri nema í mýflugumynd.

Mér líst lítið á "nýju" bankana sem eru að koma undan þroti Glitnis og Landsbankans.  Það er greinilegt að þar á að setja "rétta" menn í stjórn auk þess sem launastefnan er ekki beint heillandi fyrir hæfileikafólk.  Maður hélt að þeir myndu taka á þeim sem væru með laun yfir milljón á mánuði en það mark sýnist mér liggja nær hálfri milljón.  Hálf milljón eru engin ofurlaun og það er engin ástæða til þess að beita fólk í þeim launaskala því ofbeldi að krefja það um launalækkun.

Þeir eiga eftir að missa út allt fúnkerandi langskólagengið fólk með þessu framhaldi og enda með illa mannaðar ríkisstofnanir.

Lífeyrissjóðir skoða Kaupþing